التغذيه السليمه للقطط والكلاب 
هنتكلم عن اول مرحله
مرحله (الرضاعه )
كتير مننا بيكون فاكر انه مرحله الرضاعه للقطط والكلاب معتمده ع الام فقط للاسف ده مفهوم خاطئ
لانه لو مفيش تغذيه سليمه وصلت للام مش هيكون ال kitten او puppy سليم وصحته كويسه وهنقدر نتفادى امراض كتيره بتجي ف الاعمار الصغيره 
طب أعمل ايه 
لازم نهتم ان الام يوصلها كميات كبيره من البروتين والخضروات المسلوقه بشكل سليم او دراي فود مخصص للمرحله دي زي Royal canine mother & baby و نبعد عن اي اكل مش صحي وممكن يسبب مشاكل ف الجهاز الهضمي .
عدد الوجبات ميقلش عن 6 وجبات يوميه.
شرب الماء بكميات كتيره مهم جدا . 
لازم الام تاخد فيتامين يساعد ع زياده اللبن ويسعدها في تعويض اي نقص حصل في اي فيتامين او كالسيوم
عدم اعطاء الام ادويه دون اشراف طبي ف مرحله الرضاعه .
أكتر أسئلة بتيجي بخصوص المرحلة دي 
أنا لقيت قطط صغيرة في الشارع وأمهم مش معاهم
أو القطة خلفت ومرضيتش ترضع أولادها
أو القطة خلفت وماتت
هنأكلهم ايه 
اللبن البقري او اللبن الجاموسي اللي احنا بنشربه ممنوع ليهم تماما 
احنا بنشرب القطط لبن خالي من اللاكتوز.. القطط مبتعرفش تهضم اللاكتوز
اللاكتوز بيعملهم اسهال وانتفاخ في البطن.. وكمان ممكن يموتهم لا قدر الله
فيه انواع مخصصة من اللبن للقطط حديثه الولادة زي Royal canine baby cat milk
او ممكن نستخدم البشري زي Bebelac lactose free milk
ممنوع تحطلها اللبن في طبق وتسيبها تشرب لأ ممكن أستخدم ببرونة مخصصة للقطط ولو مش متوفر بسرنجة 5 سم
طب ايه كمية اللبن اللي أنا هدهالها متناسبة مع عمرها
من أول يوم لحد 10 أيام —–> هدي 5 مللي كل ساعتين
من اليوم 11 للاسبوع التالت ——> هدي 15 مللي بفرق 3 ساعات
من الاسبوع التالت لحد شهر ——–> هدي 25 مللي بفرق 4 ساعات
أول ما يتموا شهر انت ممكن تقدملهم وجبتين من الجبنة المثلثات أو الزبادي اللايت أو السيرلاك من غير اللبن ده طبعا بجانب الرضاعة المستمرة